"Will ye gang to the Hielands, Leezie Lindsay?
Will ye gang to the Hielands wi' me?
Will ye gang to the Hielands, Leezie Lindsay,
My bride and my darling to be?"

"To gang to the Hielands wi' you, sir?
I dinna ken how that may be,
For I ken na the land that ye live in,
Nor ken I the lad I'm gaun' wi'."

"Leezie, lassie, 'tis little that ye ken,
If sae be ye dinna ken me,
For my name is Lord Ronald Macdonald,
A chieftain o' high degree."

She has kilted her coats o' green satin,
She has kilted them up to her knee,
And she's aff wi' Lord Ronald Macdonald
His bride and his darling to be.



abc | midi | pdf

---

Source: C Findlater and M Campbell, Scottish Songs, Lomond Books, 2004

Notes:
The book merely says "Old Scottish Ballad."

These are (almost) the words by Robert Burns.
Leezie Lindsay first appears in Print in Johnson's Scots Musical Museum (1803). Other versions found by Child include Donald of the Isles.

Roud: 94 (Search Roud index at VWML)
Laws:
Child: 226